Sauda Ho To Aisa Ho lyrics - Abida Parveen - Download Lyrics PDF
Song Credit
Song - Sauda Ho To Aisa Ho
Artist - Abida Parven
Licensed to - The Orchard Music (on behalf of Oriental Star Agencies Ltd); BMI - Broadcast
Youtube by - Music Inc., Audiam (Publishing), and 4 Music Rights Societies
Download Lyrics PDF
dil ishq men be-payan sauda ho to aisa ho
dariya ho to aisa ho sahra ho to aisa ho
ik ḳhal-e-suvaida men pahna.i-e-do-alam
phaila ho to aisa ho simTa ho to aisa ho
ai qais-e-junun-pesha 'insha' ko kabhi dekha
vahshi ho to aisa ho rusva ho to aisa ho
dariya ba-hubab-andar tufan ba-sahab-andar
mahshar ba-hijab-andar hona ho to aisa ho
ham se nahin rishta bhi ham se nahin milta bhi
hai paas vo baiTha bhi dhoka ho to aisa ho
vo bhi raha begana ham ne bhi na pahchana
haan ai dil-e-divana apna ho to aisa ho
is dard men kya kya hai rusva.i bhi lazzat bhi
kanTa ho to aisa ho chubhta ho to aisa ho
ham ne yahi manga tha us ne yahi baḳhsha hai
banda ho to aisa ho daata ho to aisa ho
